«Жетісу облысы Денсаулық сақтау басқармасы» ММ ШЖҚ «Облыстық АИТВ алдын алу орталығы» МКК профилактикалық бөлімінің мамандары Панфилов ауданы аумағында кешенді выездтік ақпараттық-түсіндіру іс-шараларын өткізді.
Аталған іс-шаралар халықтың және мемлекеттік құрылым қызметкерлерінің АИТВ-инфекциясын алдын алу мәселелері бойынша ақпараттану деңгейін арттыру, сондай-ақ қоғамдық денсаулық сақтау саласындағы ведомствоаралық өзара іс-қимылды нығайту мақсатында ұйымдастырылды.
Выезд аясында Жаркент қалалық шекара бөлімінің жеке құрамына, сондай-ақ «Нұр жолы» (жүктік), Нұр жолы (жолаушылық) шбб арналған тақырыптық семинарлар мен оқыту кездесулері өткізілді.
Іс-шара барысында орталық мамандары АИТВ-инфекциясы бойынша эпидемиологиялық жағдай, оның жұғу жолдары, негізгі қауіп факторлары және алдын алу шаралары туралы жан-жақты ақпарат берді. Сонымен қатар инфекцияны ерте анықтау, тұрақты тестілеудің маңызы және диагностикалау мен емдеудің заманауи тәсілдеріне ерекше назар аударылды.
Жеке жауапкершілікті қалыптастыруға, қауіп-қатерлі мінез-құлықтың алдын алуға және АИТВмен өмір сүретін адамдарға қатысты стигма мен кемсітушілікті азайтуға айрықша мән берілді.
Іс-шаралар дәрістер, интерактивті пікірталастар, ашық диалогтар және кеңес беру сессиялары форматында өтті. Кездесу барысында қатысушыларға ақпараттық-танымдық материалдар, буклеттер және АИТВ-инфекциясының алдын алу жөніндегі жадынамалар таратылды.
Сондай-ақ мамандар Жетісу облысында әрбір азаматтың тегін және құпия түрде АИТВ-ға тестілеуден өте алатынын, қажет болған жағдайда консультациялық және медициналық көмек ала алатынын атап өтті.
Мұндай профилактикалық іс-шаралар халықтың медициналық сауаттылығын арттыруға, салауатты өмір салты мәдениетін қалыптастыруға, қоғамдық денсаулықты нығайтуға, сондай-ақ АИТВ-инфекция таралуын азайтуға және қоғамдағы стигма деңгейін төмендетуге ықпал етеді.
