Жетісу облысы Денсаулық сақтау басқармасының «Жетісу облыстық АИТВ алдын алу орталығы» ШЖҚ МКК АИТВ инфекциясымен өмір сүретін науқастар арасындағы өлім-жітімді төмендету және оны ерте анықтау жұмыстарын күшейту мәселелеріне арналған облыстық кеңес өткізді.
Іс-шараға облыстық Денсаулық сақтау басқармасының өкілдері, медициналық ұйымдардың басшылары мен орынбасарлары, инфекционист-дәрігерлер, эпидемиологтар, сондай-ақ АИТВ инфекциясының алдын алу және медициналық көмек көрсету бойынша жауапты мамандар қатысты.
Кеңес барысында өңірдің денсаулық сақтау жүйесі алдында тұрған өзекті мәселелер мен сын-қатерлер қарастырылып, медициналық көмектің тиімділігін арттыру жолдары, ерте диагностиканы жақсарту шаралары талданды. Сондай-ақ АИТВ инфекциясымен науқастар арасындағы өлім-жітім себептеріне егжей-тегжейлі талдау жүргізілді.
Талқылау қорытындысы бойынша келесі шешімдер қабылданды:
•медициналық ұйымдар, әлеуметтік қызметтер және үкіметтік емес ұйымдар арасындағы ведомствоаралық өзара іс-қимылды күшейту;
•шалғай және қол жетімсіз аудандарды қоса алғанда, халықты скринингтік тексерулермен қамтуды кеңейту;
•пациенттердің емделуге бейілділігін арттыру және аурудың үдеуінің алдын алу бойынша іс-шараларды енгізу.
Мұндай кеңестер барлық мүдделі тараптардың күш-жігерін біріктіруге, бірыңғай стратегияны қалыптастыруға және медициналық көмектің сапасын арттыруға ықпал етеді, бұл өз кезегінде өлім-жітімді төмендетуге және Жетісу облысында АИТВ инфекциясымен өмір сүретін адамдардың өмір сүру сапасын жақсартуға мүмкіндік береді.
